TELOnews.com

கேரளாவைச் சேர்ந்த கே.ஆர். விஜயன் தனது மனைவியுடன் சேர்ந்து டீக்கடை நடத்தி வருகிறார். இந்த ஜோடி அவ்வப்போது வெளிநாடுகளுக்கு சுற்றுப் பயணம் செய்வதை வாடிக்கையாக கொண்டுள்ளது. இதுவரை 25 நாடுகளுக்கு சுற்றுப் பயணம் செய்துள்ளது. வருகிற 21-ந்தேதி முதல் 28-ந்தேதி வரை ரஷியாவிற்கு பயணம் மேற்கொள்ள இருக்கிறார்கள். தற்போது அவர்களது பேரனையும் அழைத்துச் செல்கிறார்களாம்.

கே.ஆர். விஜயன் இதுகுறித்து கூறுகையில் ‘‘நாங்கள் கடைசியாக 2019-ம் ஆண்டு நவம்பர்- டிசம்பரில் வெளிநாடு சென்றிருந்தோம். அதன்பின் தற்போது செல்கிறோம்’’ என்றார்.

அவரது மனைவி மோகனா, ‘‘2007-ல் இருந்து நாங்கள் பயணத்தை தொடங்கினோம். இதுவரை 25 நாடுகளுக்கு சென்றுள்ளோம். ரஷியா நாங்கள் சுற்றுப் பயணம் செய்ய இருக்கும் 26-வது நாடாகும் . சுவிட்சர்லாந்து எனக்கு பிடித்தமான நாடு. நாங்கள் கடந்த முறை அங்குதான் சென்றிருந்தோம்’’ என்றார்.

You can leave a response, or trackback from your own site.